Siglir tar il cuntegn

Header

Navigaziun

Hollande durant ina conferenza da pressa.
Legenda: Françoise Hollande garantescha ch'il champ da fugitivs a Calais vegnia serrà. Keystone
cuntegn

Exteriur Il champ da fugitivs a Calais vegn rumì

Il president franzos François Hollande ha dentant anc betg pudì dir cura ch'il champ duai vegnir serrà.

A chascun d'ina visita en il champ da fugitivs a Calais ha il president franzos François Hollande ditg ch'il champ duai vegnir rumì. Cura n'è dentant anc betg enconuschent. Enconuschent è che las persunas duain, suenter la rumida vegnir repartidas sin centers da fugitivs en tut la Frantscha.

En il champ a Calais, numnà «tschungla» vivan millis da fugitivs en alloschis provisorics. Blers d'els vulan viagiar vinavant en Gronda Britannia. Il cunfin è là dentant serrà.

La situaziun enturn il champ è gia dapi mais in tema en Frantscha. Era cun las elecziuns dal presidi la primavaira 2017 saja il tema brisant.