Siglir tar il cuntegn

Header

cuntegn

Exteriur Il Brexit vegn – la confusiun è gia qua

Il countdown ha entschet: Anc enturn otg emnas cuzzi enfin tar il Brexit. Uschè ditg ha Theresa May anc temp da negoziar in contract d'extrada cun l'Uniun europeica. Anna Lee Famos è ina abitanta da l'insla che viva cun quest countdown davostiers.

Ses pli grond quità saja, ch'ella stoppia bandunar la terra, declera Anna Lee Famos. Ella haja anc il pass svizzer e be ina residenza permanenta per la Gronda Britannia. «L'ambassada svizra n'ha betg scrit a mai, l'administraziun englaisa n'ha betg scrit a mai. Jau sai però che l'administraziun englaisa ha scrit a divers svizzers e ditg ch'i stoppian dumandar per la permissiun da restar suenter il Brexit.»

audio
Mezdi: Brexit – Quitads e speranzas en vista a l'extrada da l'UE
ord Actualitad dals 04.02.2019.
laschar ir. Durada: 3 minutas 6 Secundas.

Worst case: in exodus da na-Brits

Il pir saja sch'i dettia tuttenina in exodus da glieud che na saja betg burgais englais. Gist Londra saja ina citad multiculturala nua ch'in dependia da tschel. Insumma, manegia Anna Lee famos, regia caos e confusiun totala en il mument. «Nagin sa propi tge che capita u vegn a capitar e questa intschertezza dat propi sentiments terribels tranter il public general», constatescha ella.

Nagin grond sustegn èn tenor ella era ils politichers responsabels. Ella na vesia betg che tals possian spendrar la situaziun. Fertant ch'ella resta en la Gronda Britannia èn intgins da ses enconuschents schizunt sa decidids da bandunar il pajais.

RR actualitad 12:00

Artitgels legids il pli savens