IKRK stat avant deficit da record

Al Comité internaziunal da la Crusch Cotschna IKRK mancan ils daners. Malgrà che l'organisaziun ha survegnì l'onn passà uschè bleras contribuziuns dals stadis sco anc mai, smanatscha il pli grond deficit da l'istorgia, quai ha ditg il president da l'IKRK Peter Maurer envers la "SonntagsZeitung".

Peter Maurer, il president da l'IKRK.

Legenda da maletgs: Peter Maurer: «Nus na pudain betg pli gidar tuts.» Keystone

La dimensiun dals conflicts globals saja istorica. La pli gronda unda da fugitivs dapi la segunda guerra mundiala surpassia la capacitad da l'IKRK. Ins na possia betg pli gidar tuts. Il 2010 aveva l'organisaziun anc fatg in deficit da 75 milliuns francs.

RR novitads 08:00