Suenter ch’il hurican da record aveva cuntanschì il Mexico, aveva el pers sia intensitad marcantamain. Il stemprà suflava lura be pli cun spertadads da vent da radund 80 km/h. Dentant ha plievgia intensiva accumpagnà il stemprà. Las autoritads han avertì da grevas plievgias, d’inundaziuns eventualas sco er da bovas. Il pli fitg èn pertutgads ils stadis mexicans da Nayarit, Colima e Jalisco.
Er il sid dals Stadis Unids è pertutgà
Las consequenzas dal hurican tanschan fin il sid dals Stadis Unids. Uschia han parts las stadi federal Texas entant da sbatter cun inundaziuns chaschunadas dal stemprà.
Pliras vias èn vegnidas inundadas ed autos èn stads fermads en l’aua. En il stadi da Texas è plinavant in tren da rauba svià pervi da las auas. Fin uss n’hai dà naginas persunas blessadas ni unfrendas.
RR novitads 10:00