Siglir tar il cuntegn
cuntegn

Exteriur Hurican «Irma» cuntanscha Barbuda

Il hurican privlus è entant fruntà sini terra franca en la Caribica. Tenor il center naziunal american da hurricans ha «l'egl dal stemprà» cuntanschì l'insla Barbuda. Igl è vegnì mesirà spertadads da vent da passa 290 km/h. Il hurican vegn classifitgà cun la fermezza 5, la pli auta fermezza.

palmas en il vent ferm
Legenda: Il hurican «Irma» è probabel il pli ferm ordaifer la Caribica. Keystone

Las autoritads americanas averteschan da las consequenzas catastrofalas ch'il hurican «Irma» pudess avair. «Irma», che vala sco il pli ferm hurican ch'è insacura vegnì mesirà ordaifer la Caribica, pudess chaschunar stemprads e plievgia fitg privulus. Quai communitgescha il center naziunal per huricans.
El ha proclamà avertiments dal pli aut stgalim er per la Republica Dominicana e Puerto Rico. 6 inslas en il sid da las Bahamas vegnan evacuadas. Experts quintan ch'il hurrican cuntanscha la sonda il sid da Florida.

RR novitads 06:00