La situaziun saja extrem privulusa, avertescha il center naziunal per huricans a Miami. Il stemprà vegn entant classifitgà en la pli auta categoria 5.
Plievgia extrema ed undas da fin 7 meters
La populaziun da la gruppa d'inslas è vegnida appellada dad ir en alloschis d'urgenza ed en lieus en ils auts. I vegn fatg quint cun ina devastaziun extrema pervia da la plievgia, las undas da fin set meters autezza ed il vents vehements.
Il pli ferm stemprà sin las Bahamas dapi l'entschatta da las mesiraziuns sa muventa be plaun vers vest. Tenor las prognosas duai «Dorian» cuntanscher il mardi la costa da l'ost dals Stadis Unids. Là mida el probabel direcziun.
Florida ordinescha evacuaziuns
A Palm Beach ed en auters lieus perlung la costa ha la polizia ordinà evacuaziuns. Il president Donald Trump ha avertì ils abitants da la regiun da costa da consequenzas catastrofalas. «L'effect dal hurrican vegn ad esser da sentir sur tschients da kilometers », uschia Trump suenter in inscunter cun las autoritads da catastrofa.
RR novitads 21:00