Siglir tar il cuntegn
Inhalt

Exteriur HSBC paja 100 milliuns dollars

La banca HSBC ha terminà ina dispita giuridica en connex cun ina renfatscha d'ina manipulaziun dal Libor. Las renfatschas refusescha la banca però vinavant.

Logo HSBC.
Legenda: La banca vul pajar 100 milliuns francs per evitar ristgs e custs. Keystone

La banca gronda britannica e las autoritads americanas en sa cunvegnidas pertutgant las renfatschas d'avair manipulà il Libor: L'institut è d'accord da pajar 100 milliuns dollars. Quai resulta d’actas d’ina dretgira a New York.

La banca refusescha però d’avair manipulà il tschains interbancar. Ella haja be pajà la multa per evitar ulteriurs custs e ristgas. Pervia da las manipulaziuns probablas aveva gia la Deutsche Bank pajà 240 milliuns dollars e la banca americana «Citygroup» aveva pajà 130 milliuns dollars.

Libor

Il Libor è il tschains median per quel che bancas cun muntada internaziunala dattan l'ina a l'autra credits. Quel vegn fixà mintga di a las 11 a Londra.

Sbassar Libor per augmentar agen gudogn

Pliras bancas grondas vegnan acussadas d'avair manipulà il tschains da Libor cun sbassar el durant il 2006 enfin il 2010 per engrondir l'agen gudogn. Dal tschains da Libor dependan transacziuns directas ed indirectas sin il martgà da finanzas en valita da 450 billiuns dollars.

RR novitads 07:00