Siglir tar il cuntegn

Exteriur «Houston we have a problem»

Oz avant 45 onns è la missiun d’Apollo 13 vegnida rutta giu. Ils pleds legendars «Houston we have a problem» èn ids tras il func da la Nasa. Ditg quests pleds aveva l’astronaut Jim Lovell suenter ch’in tanc d’oxigen era explodì a bord da la nav spaziala.

Capsla da la nav spaziala Apollo 13
Legenda: Capsla da la nav spaziala Apollo 13 vegn salvada ord l’Ocean Pacific il 1970. Keystone

Silsuenter han ils astronauts stuì rumper giu la missiun da sa tschentar sin la glina. Els han stuì empruvar da turnar enavos sin terra. Quai n’era uschè simpel damai che la capsla avess pudì explodir mintga mument. Grazia a l’astronaut Jack Swigert ha la crew survivì. Lez era atgnamain gnanc previs per la missiun, el aveva stuì siglir en per in astronaut che aveva il virustgel. Mo gist Swigert enconuscheva ils plans d’urgenza ed ha salvà la vita als trais astronauts.