La dunna da 59 onns - Carrie Lam - la candidata favurisada da la China ha cuntanschì sco spetgà la maioritad cun pli che 600 vuschs. Avant l'elecziun han plirs tschients demonstrants crititgà l'elecziun en l'anteriura colonia britannica sco cugliunaria.
Tge pon ins spetgar dad ella?
Bler experientscha ha Carrie Lam segir, ad ella manca dentant la fidanza da la populaziun da Hongkon. Sin ella spetgan bleras incumbensas detg difficultusas. L'anteriur president dal parlament, Jasper Tsagn, lauda ella. Carrie Lam haja bler experientscha, saja fitg maliziusa e lavuria fitg dir. Ella na possia dentant betg lavurar bain en in team e n'haja era nagina experientscha da manar: Ina gronda flaivlezza sajan sias relaziuns cun la gronda part dals collegas. Paucs lavuren gugent ensemen cun ella.
Ils blers spetgan ussa ina cuntinuaziun da la politica veglia da l'antecessur ch'era fitg nunpopluar.
Gremi d'elecziun
Il gremi d'elecziun da Hongkong consista da var 1'200 commembers or dal ravugl da l'economia ed autras gruppas d'interess. Elecziuns libras na datti betg en la regiun d'administraziun speziala chinaisa.
RR novitads 12:00