Siglir tar il cuntegn
cuntegn

Exteriur Hillary Clinton resta la favurita democrata

En ils Stadis Unids da l’America èn ils 5 candidats democrats per l'uffizi da president sa duellads per la prima giada en ina debatta a la televisiun.

Ils candidats dals democrats sin ina tribuna.
Legenda: La prima debatta a la televisiun dals democrats americans ha gì lieu a Las Vegas. Reuters

Tant l'anteriura ministra da l'exteriur Hillary Clinton sco er ses pli dir concurrent, il senatur Bernie Sanders, èn sa preschentads sco cumbattants cunter la malgistadad sociala. Ed a Sanders sco era a 3 concurrents senza grondas schanzas, n’èsi betg gartegià da metter Clinton en las stretgas.

Ina debatta pli dira ha chaschunà la dumonda da rinforzar la lescha d'armas. Hillary Clinton ha rinfatschà a Bernie Sanders ch'el na sa stentia betg avunda per la controlla d'armas.

L'elecziun dal president american è il november da l'auter onn.

RR Novitads 08:00