Siglir tar il cuntegn

Header

Hillary Clinton durant in pled en ina baselgia.
Legenda: Ils davos dis è Hillary Clinton sa mussada en differents lieus da la California. Reuters
cuntegn

Exteriur Hillary Clinton gudogna era la California

Cun in considerabel avantatg decida Clinton la pre-elecziun dals democrats en la California. Las vuschs da quest stadi federativ èn stadas fitg contestadas tranter Clinton e ses rival democratic Bernie Sanders.

Hillary Clinton aveva gia cuntanschì il dumber da delegads necessari per daventar candidata per il presidi american cun victorias a New Jersey, New Mexico e South Dakota. Uss dovra ella mo pli anc intginas vuschs dals uschè numnads super-delegads per esser segira da l’elecziun al di da partida dals democrats il fanadur. Gia tschients da super-delegads han sincerà da vulair sustegnair Clinton.

“Jau sun candidata”

Gia la mesemna en damaun aveva Hillary Clinton declerà sco victura, suenter avair gudagnà a New Jersey. I saja l'emprima giada en l'istorgia dal pajais, ch'ina dunna vegnia ad esser la candidata d'ina gronda partida, ha Clinton ditg. L’anteriura ministra da l’exteriur è sa preschentada a New York a millis d’aderents che han celebrà ella.

Bernie Sanders
Legenda: A Santa Monica batta Bernie Sanders per vuschs. Keystone

Bernie Sanders na ceda betg

La schanza per il concurrent Bernie Sanders da trair avunda super-delegads da sia vart è fitg pitschna. El ha gudagnà il mardi las pre-elecziuns a North Dakota ed a Montana. Tuttina na vul el betg ceder. El veglia cuntinuar ses cumbat electoral cun la finamira da gudagnar la pre-elecziun en il stadi federativ da Washington. Quai ha Sanders ditg en la citad da Santa Monica en la California.

RR novitads 06:00/09:00

Legenda:
Resultats pre-elecziuns Stadis Unids (stadi dals 8 da zercladur 2016) Tar ils republicans (cotschen) dovra quai 1'237 vuschs da delegads, per vegnir nominà sco candidat. Tar ils democrats (blau) èn quai 2'383 vuschs. washingtonpost.com

Artitgels legids il pli savens