Siglir tar il cuntegn
Inhalt

Exteriur Heineken gudogna marcantamain dapli

La bieraria Heineken ha fatg marcantamain dapli gudogn e svieuta l’emprim mez onn. Il gudogn è s’augmentà per 11% sin 977 milliuns euros cumpareglià cun la medema perioda da l’onn passà. La svieuta è creschida per 2% sin 10,1 milliardas euros.

Buttiglia da Heineken.
Legenda: Tar il concern ollandais tutgan er pliras bierarias svizras, tranter qullas er Eichhof e Calanda. Keystone

Tar il concern ollandais tutgan tranter auter er las marcas Calanda, Eichhof e Haldengut. Heineken ch’è il numer 3 da la branscha actualmain sut squitsch perquai che las duas pli grondas bierarias Anheuser-Busch InBev e SABMiller fusiuneschan. Il nov concern vegn en l’avegnir a producir mintga terza biera.

RR novitads 11:00