Siglir tar il cuntegn
Inhalt

Exteriur Heidelberg: Il suspectà vegn accusà da la procura publica

Murdraretsch, murdraretsch empruvà, grevas blessuras corporalas e mazzament empruvà èn las accusas da la procura publica vers l'um ch'è charrà sonda suentermezdi en ina fulla da glieud a Heidelberg.

Purtret da flurs al plantschieu a Heidelberg.
Legenda: Al lieu da l'accident giaschan uss fluras e chandailas. Keystone

Tenor la procura publica sa tracti tar l'um ch'è charrà en las persunas, d'in um da 35 onns ch'è student e viva a Heidelberg. Il motiv che l'um ha gì per ir en las persunas cun ses auto n'è anc betg enconuschent. Enfin uss n'è l'um betg stà enconuschent a la polizia.

Sin l'um aveva la polizia sajettà, ma la plaja n'è betg stada privlusa per sia vita. Suenter l'operaziun che l'um ha stuì avair pervi dal sajet è el en l'ospital. Là vegnia l'um survegilà enfin ch'el po vegnir spustà en in ospital da la praschun. En in'emprima interrogaziun n'haja il suspectà ditg nagut.

La procura publica accusa ussa l'um da murdraretsch, murdraretsch empruvà, pervi da grevas blessuras corporalas e pervi da mazzament empruvà.

RR novitads 16:00