Hackers nunenconuschents han attatgà ed interrut tut las emissiuns dal emettur da televisiun franzos “TV5Monde”. I na saja betg pli stà pussaivel d’emetter insatge sin in dals chanals, ha ditg il schef da l’emettur envers l’agentura da novitads AFP.
Era la pagina d’internet ed ils contos da las medias socialas n’eran betg pli sut controlla da TV5Monde. Tgi ch'è responsabel per las attatgas è anc intschert, ils hackers han però plazzà maletgs e messadis cun indizis sin la gruppa da terrur Stadi islam. Suenter mesanotg ha l'emettur TV5Monde puspè gì sut controlla ses emettur da televisiun.