Perquai che las demonstraziuns en il Congo-Kinshasa han gia custà la vita ad almain otg persuna intimescha il secretari general da l'ONU António Guterres al president da sa retrair.
Demonstrants vulan regurdar Kabila a la cunvegna
En il Congo-Kinshasa fa l'opposiziun protest cunter il president Joseph Kabila. Ils demonstrants vulan regurdar Kabila a la cunvegna ch'el aveva suttascrit avant in onn. Ses temp d'uffizi è numnadamain scrudà il december 2016. En cunvegnientscha cun l'opposiziun ha el però per entant dastgà restar a la pussanza. Dentant era fixà en la cunvegna ch'in successur vegnia il pli tard elegì la fin 2017. Ussa ha Kabila però spustà las elecziuns sin il 2018.
Critichers crain che Kabila veglia nizzegiar quel temp per stritgar l'artitgel constituziunal che scumonda ad el da s'annunziar per in'ulteriur temp d'uffizi.
RR novitads 06:00