En l'Islanda ha il schef da la regenza Sigmundur Gunnlaugsson supplitgà il president da schliar il parlament e da proclamar elecziuns novas. Cunquai reagescha el sin la disfidanza suenter las scuvertas en l'uschè numnà scandal da «Panama-Papers».
Quests palpiris mussan che Gunnlaugsson possedeva ina firma da chascha da brevs en in'oasa da taglia ch'el ha però mai fatg transparent malgrà ses uffizi politic.
Il glindesdì avevan millis da Islandais protestà cunter il primminister e pretendì sia demissiun. Quel refusa però tuttas rinfatschas. El haja agì legal, uschia Gunnlaugsson.
