Sco quai che la chasa editura Steidl a Göttingen communitgescha saja Grass mort oz en la vegliadetgna da 87 onns a Lübeck.
Grass è stà commember da la gruppa 47 e valeva sco in dals pli impurtants auturs tudestgs da la litteratura contemporana. Ses emprim roman «Die Blechtrommel», ch’è cumparì l’onn 1959, ha gì success mundial. 40 onns pli tard ha il Tudestg survegnì il Premi Nobel da litteratura per sia ovra cumpletta.
Grass e la politica
Durant sia entira vita è Grass s’engascha sin palancau politic. El ha sustegnì la politica da reconciliaziun da Willy Brandt cun la Pologna ed ha fatg propaganda per la partida socialdemocrata SPD. Günter Grass ha provocà fermas cuntraversas, il davos il 2012 pervia d’ina poesia critica vers l’Israel.
RR novitads 11:30
