En il Bundesland Austria Auta ha la partida populista dretga FPÖ gudagnà 30,4% da las vuschs e dublegia uschia sia quota d'electurs cumpareglià cun las ultimas elecziuns il 2009. L'FPÖ daventa la segund-ferma partida davos la ÖVP, la partida conservativa.
Gia tar las elecziuns regiunalas il matg en la Steiermark ed il Bundesland ha la FPÖ gudagnà vitiers fermamain vuschs.
La partida dal primminister Josef Pühringer ha pers 10% da las vuschs e vegn sin 36,4%. La partida socialdemocratica SPÖ dal chancelier austriac Werner Faymann croda enavos sin posiziun trais. 18,4% dal pievel ha vuschà per la SPÖ.
