Exteriur - Guatemala: Elecziun decisiva tranter Morales e Torres
Tar l’elecziun decisiva per il presidi en la Guatemala ch’è la fin d’october concurrenzeschan il comicher Jimmy Morales e l’anteriura First Lady Sandra Torres, quai communitgescha la dretgira electorala suprema.
Morales che candidescha per la partida conservativa FCN-Nación, ha fatg 24% da las vuschs tar las elecziuns da l’emna passada, la social-democrata Torres 20%. Cunquai ha Torres fatg la cursa cunter il conservativ Manuel Baldizón ch’ha survegnì 19% da las vuschs. Quel ha discurrì da cugliunaria electorala.
