Siglir tar il cuntegn

Header

Chalzers da gardists
Legenda: Keystone
cuntegn

Guardia svizra papala Ulteriurs cas da corona en il Vatican

En il Vatican crescha il dumber d'infecziuns cun il coronavirus. La guardia papala dumbra ulteriurs cas.

En total èn uss 11 gardists svizzers s'infectads cun il coronavirus sco il post da medias da la guardia svizra papala ha communitgà. Ulteriurs set gardists sajan vegnids testads positivs. L'entschatta da l'emna avevan ins gia registrà quatter cas da corona tar la guardia. Ils gardists sajan vegnids isolads.

La guardia svizra papala protegia il papa Francestg en sia residenza. In'explosiun dals cas da corona en il Vatican pudess pia er esser privlusa per il papa che tutga cun sia vegliadetgna dad 83 onns tar la gruppa da risico.

RTR novitads 20:00

Artitgels legids il pli savens

Scrollar a sanestra Scrollar a dretga