Guardia da costa salva puspè 2’000 fugitivs

La guardia da costa taliana ha danovamain salvà radund 2’000 fugitivs da bartga en la Mar Mediterrana. Tut en tut haja la guardia da costa coordinà 15 acziuns da salvament.

Guardia da costa taliana èn acziun.

Legenda da maletgs: Tut en tut èn vegnidas coordinadas 15 acziuns da salvament en la Mar Mediterrana. Keystone

Er stads en acziun èn l’agentura da segirezza da cunfins da l’UE Frontex ed ulteriurs partenaris europeics, han communitgà las autoritads a Roma. Ils fugitivs hajan empruvà d’arrivar en l’Europa davent da la Libia.

Gia la mesemna eran vegnids salvads radund 800 fugitivs avant la costa da la Libia. L’autcumissariat da las Naziuns Unidas per ils fugitivs UNHCR stima che radund 50’000 fugitivs hajan empruvà da cuntanscher l’Italia sur la mar dapi l’entschatta da l’onn.

RR novitads 10:00