Siglir tar il cuntegn

Header

Navigaziun

Praschun.
Legenda: Barack Obama e Donald Trump n'èn betg perina davart l'avegnir dal champ da praschuniers dispitaivel sin Cuba. Reuters
cuntegn

Exteriur Guantanamo: Obama vul relaschar dapli praschuniers

Ils Stadis Unids vegnan bainprest a transferir quatter umens dal champ da praschuniers american Guantanamo a l'Arabia Saudita.

  • President Obama vul laschar liber pli blers praschuniers durant ses ultims dis en uffizi. Quai cunter la veglia da ses successur Donald Trump.
  • Gia l'onn passà ha il president relaschà numerus praschuniers.
  • Actualmain èn anc 59 persunas arrestadas. 23 da quels han l'autorisaziun da vegnir relaschads.

E fin a 15 ulteriurs praschuniers da Guantanamo vulan ils Americans medemamain transferir en auters pajais. Quai avant ch'il president partent Barack Obama surdat ses uffizi ils 20 da schaner 2017 uffizialmain a ses successur Donald Trump. Lez aveva pretendì da na relaschar nagin pli or dal champ dispitaivel sin la Cuba.

En il champ da praschuniers Guantanamo han ils Stadis Unids serrà en terrorists supponids savens senza accusar quels.

RR novitads 09:00

Bunamain 800 praschuniers

La praschun da Guantanamo sin Cuba è vegnida prendida en funcziun da president George W. Bush suenter las attatgas dals 11 da settember 2001. Quai cun l'intenziun d'arrestar terrorists islamistics probabels senza basa giuridica. Almain 779 umens èn stads en arrest dapi l'avertura.