Siglir tar il cuntegn
Inhalt

Exteriur Gronda Britannia attatga il SI en la Siria

La Gronda Britannia vegn uss er ad attatgar la milissa da terror stadi islamic en la Siria. Quai ha il parlament a Londra decidì suenter ina debatta da diesch uras.

Racheta semtgada sin in bastiment da guerra.
Legenda: La Gronda Britannia è uss il quart pajais ch'attatga il SI en la Siria. Keystone

Tenor indicaziuns da la regenza hajan aviuns da la Gronda Britannia gia sgulà attatgas en la Siria, quai scrivan pliras agenturas da novitads.

En l’Irac sgola la Gronda Britannia gia passa in onn talas attatgas sin il stadi islamic. La decisiun dal parlament era en questa furma vegnida spetgada. Attatgas ord l’aria en la Siria sgolan uss ils Stadis Unids, la Russia, la Frantscha e da nov er la Gronda Britannia.

RR novitads 06.00