Siglir tar il cuntegn
Inhalt

Exteriur Gronda Bretagna – tenor retschertga 55% cunter Brexit

En ina retschertga incumbensada da la gasetta Telegraph èn s’exprimids 55% dals participants cunter la sortida da la Gronda Bretagna – il uschenumnà Brexit - da l’Uniun Europeica.

Big Ben.
Legenda: Per u cunter UE - ils 23 da zercladur votumescha la gronda Bretagna davart il Brexit. Keystone

Bun 5 emnas avant il referendum en Gronda Britannia sur dal restar en l’Uniun europeica u betg paran ils promoturs da restar en l’UE d’esser en avantatg. Per extrar da l’UE èn il mument 40% da las vuschs, quai mussan las retschertgas da l'institut da perscrutaziun ORB fatgs per incumbensa da la gasetta Telegraph.

Las votaziuns vegnan ad esser ils 23 da zercladur, ma en la summa na mussan las retschertgas enfin uss anc nagina tendenza segira. Il primminister da la Gronda Britannia David Cameron vul restar en l’UE, l’anteriur president da la chapitala Londra Boris Johnson promova d’extrar da l’UE.

RR novitads 06:30