Siglir tar il cuntegn
Inhalt

Exteriur Grond donn material tar attatga cun bumba a Brüssel

Il glindesdi a bun’ura hai dà in’attatga cun ina bumba sin l’institut criminologic a Brüssel. Tenor medias indigenas na saja nagin vegnì blessà.

La polizia a Brüssel è anc adina en prontezza d'alarm augmentada
Legenda: La polizia a Brüssel è anc adina en prontezza d'alarm augmentada. Keystone

A bun'ura ha in vehichel sfratgà atras barrieras da l'institut criminologic en il nord da la chapitala beltga, rapporta l'emettur da televisiun RTL. Lura saja vegnì envidada ina chargia explosiva en la vischinanza dals laboratoris. Quels hajan silsuenter piglià fieu. Il donn vid il bajetg saja grond.

I na dettia per il mument nagins indizis per in act terroristic. Las autoritads n'èn fin uss betg s'exprimidas davart l'attatga.

Las forzas da segirtad beltgas èn en prontezza d'alarm augmentada dapi las attatgas dal mars, nua ch'i aveva dà 35 morts.

RR novitads 08:30