Malgrà ses problems finanzials vul la Grezia occupar dapli glieud en la sanadad publica. 4500 medis, tgirunzas ed auters spezialists duain vegnir engaschads. Quai ha annunzià il primminister Alexis Tsipras. Uschia veglian ins eliminar la mancanza acuta da persunal.
Cun la modernisaziun dal sectur da sanadad vegnian ins a revocar ina part da las mesiras da spargn concludidas ils davos onns. Latiers veglia ins cumbatter energicamain la corrupziun e las cugliunarias en il sectur da sanadad, uschia Tsipras.
RR novitads 06:00
sda/hs