Exteriur - Grezia vul 278 milliardas euros da la Germania
La Grezia stima las pretensiuns da reparaziun envers la Germania per il temp dal naziunal-socialissem sin var 278 milliardas euros. Quai ha ditg il viceminister da finanzas grec Dimitris Mardas.
Sin questa summa vegnia suenter in emprim quint ina cumissiun dal parlament che sa fatschenta cun las dumondas d'indemnisaziun envers la Germania. La cumissiun sa basa sin in studi gia existent.
La regenza tudestga dentant è da l'avis che la dumonda d'indemnisaziun saja liquidada.