Siglir tar il cuntegn

Header

cuntegn

Exteriur Grezia survegn sustegn finanzial per integrar fugitivs

180 milliuns euros metta l'UE a disposiziun a la Grezia per pudair integrar meglier fugitivs.

La Grezia duai cun in ulteriur sustegn finanzial da l'Uniun europeica integrar meglier ils fugitivs. Quai tranter auter cun augmentar il program per alloschar ils fugitivs en las citads, ha l'UE communitgà suenter l'inscunter cun il primminister grec Alexis Tsipras.

L'UE giustifitgescha la decisiun da metter a disposiziun a la Grezia daners per integrar megliers ils fugitivs sco suandant uschia, ch'ins veglia sa metter en per segirar a la Grezia ina vita segira, normala e digna d'in uman. Er veglian ins promover l'integraziun en la fiera locala economica ed en la societad.

4'000 plazzas d'alloschi dapli

Per il mument han ins tenor l'UE pudì organisar radund 23'0000 plazzas d'alloschi en il territori citadin da la Grezia. Enfin la fin da l'onn duain quai esser 27'000.

Enfin uss ha l'UE pajà 605,3 milliuns euros sin il conto da la Grezia en connex cun il current da fugitivs.

RR novitads 16:00

Artitgels legids il pli savens