La regenza da la Grezia pretenda che l’Uniun europeica haja in plan B sche la Tirchia aboliss la cunvegna da fugitivs cun l’UE. Il minister per migraziun grec Yiannis Mouzalas ha ditg che l’UE stoppia en tutta cas far ponderaziuns co reagir sche la Tirchia avria ils cunfins per fugitivs.
Il medem mument ha il minister appellà als stadis da l’UE da recepir dapli fugitivs, uschia stoppian ils fugitivs vegnir reparti gist sin tut ils pajais da l’UE.
La Tirchia pretenda che la libertad da viagiar senza visum vegnia realisada fin l’october uschiglio aboleschia ella il contract cun l’UE.
