Siglir tar il cuntegn
Inhalt

Exteriur Grezia na po betg pajair ses emploiads

La regenza grecca sto sco i para temair da betg pudair pajar las pajas e las pensiuns als emploiads dal stadi. Il pajas vegnia a stuair ir vid las ultimas reservas ch'èn restadas en il sectur public, quai han ditg represchentants dal ministeri da finanzas envers l'agentura Reuters.

bandieras pitschnas da la Grezia, blau ed alv
Legenda: La Grezia cumbatta vinavant cun problems finanzials. Reuters

Il ministeri da finanzas ha però refusà uffizialmain quest rapport sco "nunfundà" senza dar infurmaziuns detagliadas.

Deal cun la Russia

Entant rapporta il magazin Der Spiegel che la Grezia vul incassar fin 5 milliardas euros entras ina cunvegna d'energia cun la Russia. Ils daners duain vegnir pajaids en furma d'in prepajament per ina pipeline planisada.
La pipeline duai transportar gas sur la Tirchia e la Grezia en l'Europa.

RR novitads 7:00