Siglir tar il cuntegn
Inhalt

Exteriur Grezia: La regenza nova è quasi la veglia

In di suenter ch’Alexis Tsipras è vegni saramentà sco primminister ha el preschentà la regenza nova grecca. La gronda part dals ministers èn ils medems sco avant, cun quai vul Tsipras mussar la prontadad d’ademplir las pretensiuns dals donaturs, scrivan las medias en Grezia.

Alexis Tsipras
Legenda: Alexis Tsipras, curt suenter sia saramentaziun. Keystone

Minister da finanzas resta Euklid Tsakalotos, el è ina da las persunas che ha contractà cun ils donaturs sur da l'agid finanzial ed il program da refurma actual.

Vitiers ha la nova regenza in substitut dal minister da finanzas, lez ha l'incumbensa da controllar sche tut las obligaziuns vegnan ademplidas. Quest pensum survegn Giorgos Chouliarakis. Minister da l'exteriur è Nikos Kotzias ch'era gia avant il minister per ils affars exteriurs.

Il schef da la partida da coaliziun «Ils Grecs independents», Panos Kammenos, maina era en questa regenza il ministeri da defensiun.

RR novitads 06:00