Siglir tar il cuntegn

Header

cuntegn

Exteriur Grezia: Il dumber d'unfrendas dals incendis crescha

Tar ils incendis da guaud en la Grezia è il dumber d'unfrendas s'augmentà sin almain 79. Quai communitgeschan las autoritads grecas. Ils blers fieus che furieschan datiers da territori abità èn sut controlla.

En connex cun ils incendis da guaud valian dentant anc bleras persunas sco sparidas, ha ina pledadra dals pumpiers grecs ditg. Perquai teman blers responsabels en las regiuns pertutgadas, ch'il dumber d'unfrendas pudess crescher sin passa 100.

Situaziun sa calma levet

Suenter ils grevs incendis da guaud ils dus davos dis, han ils pumpiers grecs tenor atgnas indicaziuns sut controlla ils blers fieus che periclitavan territori abità. Sulet sin il culm Gerania en il vest da la chapitala Athen hai anc in grond fieu sin il spitg. Agid survegn la Grezia da pumpiers da la Cipra e da dus aviuns da stizzar talians. In ulteriur aviun da stizzar da la Rumenia duai era anc gidar a stizzar ils gronds incendis.

Il mardi aveva il primminister grec Alexis Tsipras proclamà en vista als incendis da guaud ina malencurada naziunala da trais dis.

RR novitads 12:00

Artitgels legids il pli savens