Il primminister grec Alexis Tsipras ed ils presidents da las partidas grecas impurtantas èn sa cunvegnids sin las posiziuns che Tsipras duai represchentar a l'inscunter suprem da l'UE cun la Tirchia il glindesdi.
Els pretendian ch'i vegn furmà ina guardia da costa europeica cun sedia en la Grezia ha declerà il minister da defensiun grec. Vitiers vegnia Tsipras pretender da sa tegnair vid las decisiuns fin ussa per repatriar ils carstgauns senza dretg d'asil en lur pajais d'origin. Athen veglia insister ch'ils fugitivs vegnan repartgids sin tut ils stadis da l'UE.
