Siglir tar il cuntegn
Inhalt

Exteriur Grezia: Caos ad Athen

En il quartier Exarchia en il center da la chapitala greca Athen han var 200 autonoms da sanestra bittà buttiglias e crappa sin policists. Plinavant han els fatg barricadas cun containers da rument en flammà.

Polizist che cumbattà cunter randaladers.
Legenda: Ad Athen han autonoms da sanestra puspè randalà la notg da venderdi sin sonda cunter la polizia. Keystone

La polizia ha serrà pliras uras las vias en quest quartier. Persunas blessadas n’hai betg dà. En il quartier Exarchia randaleschan autonoms da sanestra bunamain mintga fin d’emna.

Plirs turists han persequità da lontan il spectacul, quai han perditgas ditg vers l'agentura da novitads dpa.

La segirezza publica n'è betg pli garantida. Igl è in no-go-areal.
Autur: Michalis Orfanosadvoct che ha là ina chanzlia

Intgins visitaders èn da l'avis che quai è allegher da guardar dal lontan l'acziun. Per ils abitants munta quai dentant caos. E quai sa repetia bunamain mintga fin d'emna.

Exarchia center principal da la scena da sanestra

Questa part da la citad è il center principal da la scena da sanestra ad Athen. In commember dal cussegl da la citad dad Athen ha ditg, ch’igl è sco ch’il quartier na fiss betg ina part da la Grezia. Ils ultims onns han la posta e pliras bancas serrà lur filialas en Exarchia.

RR novitads 14:00