Cunzunt pertutgada saja la citad da Mocoa. Sco quai che la Crusch Cotschna ha communitgà, sajan ultra da quai 400 persunas vegnidas blessadas e 200 persunas sajan sparidas. I sa tractia dad ina tragedia cun dimensiuns nunimaginablas, ha ditg il guvernatur da la regiun pertutgada. Il president columbian Juan Manuel Santos ha proclamà il stadi d'urgenza per la citad da Mocoa.
Fermas plievgias avevan chaschunà inundaziuns en la regiun e mess en moviment il terren. Las autoritads han furmà in stab da crisa. Forzas da salvament tschertgan las persunas sparidas.
En la citad da Mocoa vivan radund 40'000 persunas. Ella sa chatta en il sidvest dal pajais, datiers dal cunfin cun l'Ecuador.
RR novitads 18:00
