Siglir tar il cuntegn
Inhalt

Exteriur Greenpeace – Russia 1:0

La Russia sto pajar a l’organisaziun d’ambient Greenpeace indemnisaziuns, perquai ch’ella aveva rapinà ina nav da Greenpeace.

La nav da Greenpeace «Arctic Sunrise».
Legenda: La Russia aveva arrestà 28 activists da Greenpeace e 2 schurnalists sin la «Arctic Sunrise». Keystone

Ils Russ hajan rut dretg internaziunal cun pigliar la nav «Arctic Sunrise» il settember 2013 e metter en arrest la squadra. Quai ha decis la Dretgira internaziunala da cumpromiss a Den Haag. Greenpeace beneventa la sentenzia, la decisiun saja in’ulteriura conferma da l’acziun illegala da la Russia.

Protest cunter furar per ieli

Polizia russa aveva piglià la nav da Greenpeace, cura che quella fascheva in’acziun da protest en l’Arctica. La squadra, tranter auter era in Svizzer, era stada pliras emnas en praschun, fin ch’ella era vegnida libra grazia ad in’amnestia.

La Russia paja strusch

L’autezza dal chasti n’è anc betg fixada. En il num da Greenpeace aveva l’Ollanda pretais var 8 milliuns francs. La Russia na renconuscha dentant betg questa dretgira da cumpromiss.

RR Novitads 11:30