Siglir tar il cuntegn
Inhalt

Exteriur Grecs vulan restar en zona d’euro

3 da 4 Grecs vulan che la Grezia resta en la zona da l'euro. Perquai giavischan els era che la regenza grecca sa cunvegnia cun ils crediturs internaziunals.

bandieras da l'ue e da la grezia
Legenda: Ils Grecs vulan restar in pajais da l'Uniun europeica. Reuters

Quai mussa ina retschertga represchentativa da la gasetta grecca cun tradiziun «To Vima». Tenor la retschertga gudagnass la partida regenta Syriza las elecziuns cun 36,9 % da las vuschs, sche quellas avessan lieu ussa. La gronda partida da l'opposiziun vegniss sin 21,7 %.

Entant datti famas ch’il minister da finanzas grec, Gianis Varoufakis pudess prest vegnir remplazzà. Quai tenor infurmaziuns da medias greccas. Varoufakis haja «pers tutta credibladad».

RR novitads 17:00