Passa 64’000 plazzas da lavur dependan dal grip da curals surtut en il sectur dal turissem. Cun quai saja il Great Barrier Reef in patrun pli grond che bleras interpresas australianas enconuschentas. Sco per exempel la societad aviatica Quantas. Quai ha ditg il responsabel da la fundaziun dal grip da curals.
Il Great Barrier Reef è cun dapli che 344'000 kilometers quadrats pli grond che l’Italia ed il pli grond grip da curals dal mund.
Memia grond per far naufragi.
Sblatgezza da curals
Dapi onns patescha il grip d'ina engrevgianta sblatgezza da curals. La situaziun è anc pli nauscha che quintà. L'onn 2016 èn 29 pertschient dals curals en la zona d'aua bassa murids. Motiv è la midada dal clima ed il stgaudament dals oceans. Ulteriurs donns ha il mars da quest onn il ciclon «Debbie» chaschunà.
RR novitads 12:00