Siglir tar il cuntegn
Inhalt

Exteriur Great Barrier Reef vala dapli che Quantas

La valur dal grip da curals australian Great Barrier Reef vegn stimà a var 41 milliardas francs. Sch’il grip da curals vegniss destruì avess quai consequenzas economicas enormas, admoneschan perscrutaders en in studi.

Peschs en la mar.
Legenda: Il Great Barrier Reef è il pli grond grip da curals dal mund. Keystone

Passa 64’000 plazzas da lavur dependan dal grip da curals surtut en il sectur dal turissem. Cun quai saja il Great Barrier Reef in patrun pli grond che bleras interpresas australianas enconuschentas. Sco per exempel la societad aviatica Quantas. Quai ha ditg il responsabel da la fundaziun dal grip da curals.

Il Great Barrier Reef è cun dapli che 344'000 kilometers quadrats pli grond che l’Italia ed il pli grond grip da curals dal mund.

Memia grond per far naufragi.
Autur: Auturs da la fundaziunGreat Barrier Reef

Sblatgezza da curals

Dapi onns patescha il grip d'ina engrevgianta sblatgezza da curals. La situaziun è anc pli nauscha che quintà. L'onn 2016 èn 29 pertschient dals curals en la zona d'aua bassa murids. Motiv è la midada dal clima ed il stgaudament dals oceans. Ulteriurs donns ha il mars da quest onn il ciclon «Debbie» chaschunà.

RR novitads 12:00