Gorbatschow vul dapli democrazia en Russia

L’anteriur secretari general dal comité central da la Parrida communista da l’Uniun sovietica Michail Gorbatschow ha appellà als stadis dal vest da surventscher la crisa politica.

Michael Gorbatschow il 2010 a Dresden.

Legenda da maletgs: Gorbatschow discurra a chaschun da la surdada dal «Premi-Dresden» il 2010. Keystone

Cun la pausa da cumbat en Siria e cun la cunvegna d’atom en l’Iran èn pliras mesiras sin buna via, quai scriva l’anteriur secretari general da l’Uniun sovietica Michail Gorbatschow en in artitgel en la gasetta russa «Nowaja Gaseta». Viavant pretenda Gorbatschow ina nova architectura da segirtad per l’Uniun europeica e per l’entira Europa.

Russia dovra dapli democrazia

Per Gorbatschow è la Russia il mument sin ina via fallada. Uschia appellescha Gorbatschow ad ina democrazia effectiva. Il stil autoritar en Russia haja manà il pajais economicamain e politicamain en ina via tschorva.

RR novitads 12:00