Siglir tar il cuntegn
Inhalt

Exteriur Glisch verda per il Brexit

En la Gronda Britannia ha la chombra dals deputads approvà la lescha per cumenzar cun la sortida da l'Uniun europeica. Quai cun 494:122 vuschs.

Parlamentaris britannics.
Legenda: Il House of Commons di gea al sboz davart il Brexit. Keystone

Cun questa lescha vul la primministra Theresa May la plenipotenza dal parlament per la dumonda da sortir da l'UE.

Sco proxim sto la chombra dals Lords decider davart la lescha. Fin la fin da mars vul May infurmar Brüssel davart il giavisch da sortida. Ils discurs cun l’Uniun europeica duain cuzzar dus onns.

Il tribunal suprem da la Gronda Britannia aveva decis il schaner ch’il parlament stoppia approvar la dumonda da sortir da l’UE. Pir cura ch’ils deputads dad omaduas chombras dattan lur consentiment, dastga May activar l’artitgel 50 dal contract da l’Uniun europeica ed uschia lantschar ils discurs davart il Brexit.

RR novitads 22:00