Gieus olimpics da stad a Paris e Los Angeles

Ils gieus olimpics da stad han lieu il 2024 a Paris, quatter onns pli tard è Los Angeles l'organisatur.

Purtret d'in model che mussa Paris cun ils lieus d'occurenza.

Legenda da maletgs: Ils gieus olimpics da stad 2024 han lieu a Paris. Keystone

La citad americana candideschia uffizialmain per ils gieus olimpics 2028, communitgescha il Comité olimpic internaziunal. Uschia lascha Los Angeles la precedenza a Paris per il termin dal 2024. Ella dastga persuenter spetgar dal IOC ina summa da passa 1,8 milliardas francs. Cun ina part da quests daners vul Los Angeles promover il sport da giuvenils. Il 2028 pon lura els ospitar ils gieus olimpics da stad.

Glisch verda sto ussa anc dar la radunanza plenara dal IOC mez settember. Quella conferma vala sco chaussa formala.

RR novitads 06:00