Siglir tar il cuntegn
  1. Novitads
  2. Exteriur
  3. Artitgel actual
cuntegn

Exteriur Gieus olimpics: Arrestà 10 suspectads d’acts da terrur a Rio

Duas emnas avant l'avertura dals gieus olimpics en Brasilia ha la polizia arrestà a Rio de Janeiro 10 persunas che vegnan suspectadas d'avair planisà acts terroristics.

38’000 schuldads vegnan ad esser en acziun per garantir la segirtad als sportists durant ils gieus olimpics.
Legenda: 38’000 schuldads vegnan ad esser en acziun per garantir la segirtad als sportists durant ils gieus olimpics. Reuters

Ils suspectads sajan adherents da la milissa da terrur Stadi islamic ed avevan planisà da cumprar armas. Quai ha il ministeri da giustizia communitgà a Brasilia. Ils gieus olimpics entschaivan ils 5 d'avust. 47’000 policists e 38’000 schuldads vegnan ad esser en acziun per garantir la segirtad als sportists.

RR novitads 20:00

  1. Novitads
  2. Exteriur
  3. Artitgel actual