Tenor l’interpresa Kansai mussia la decisiun da la dretgira, che las ovras sajan segiras; ils reacturs duain vegnir activads uschè spert sco pussaivel.
Giapun vul avanzar return a l'energia atomara
Cunter ils plans dal concern d'energia Kansai avevan vischins protestà e cuntanschì il matg ina disposiziun provisorica. La dretgira era stada da l'opiniun ch'il certificat da segirtad per dus reacturs saja insuffizient. Il ristg da terratrembel vegnia sutvalità. La nova sentenzia revochescha ussa questa disposiziun.
Cunter la resistenza da la populaziun stimulescha il primminister giapunais Shinzo Abe il return a l’energia atomara. Quest onn ha il Giapun per l’emprima giada puspè activà duas ovras atomaras.
RR novitads 11:00