Siglir tar il cuntegn

Header

Navigaziun

Politicher.
Legenda: Il primminister giapunais po quintar cun ina maioritad da 2/3. Reuters
cuntegn

Exteriur Giapun: Partida regenta gudogna elecziuns

En il Giapun para la coaliziun conservativa dal schef da la regenza Shinzo Abe d’avair gudagnà las elecziuns da la chombra auta dal parlament.

Tenor las prognosas da pliras staziuns da televisiun ha la coaliziun cuntanschì la maioritad da 2/3 en la chombra pitschna. Questa maioritad è la premissa per instradar ina midada da la constituziun. Concrettamain vul il primminister adattar la constituziun pacifistica dal temp suenter la Segunda Guerra mundiala e dar dapli paisa a l'armada.

Critichers teman ch'ina midada da la constituziun en quest senn pudess restrenscher la democrazia e dretgs civils fundamentals.

En il Giapun èn radund 107 milliuns persunas clamadas a l'urna. Mintga trais onns decida il suveran giapunais davart la repartiziun dals 242 sezs en la chombra auta.

Cun ils emprims resultats èsi da quintar a partir da dumengia saira, sco la cumissiun electorala a Tokio ha communitgà.

RR novitads 15:00