Siglir tar il cuntegn
cuntegn

Exteriur Gia 370 morts pervi d'attatgas russas en Siria

En il nord da la Siria han las attatgas ord l'aria da la Russia e l'offensiva a terra da las truppas dal president Baschar al-Assad procurà per ina nova unda da fugia.

Bumbardament russ da la Siria, vista ord l'aria.
Legenda: Dapi ils 30 da settember han 243 rebels e 127 civilists pers lur vita tar attatgas ord l'aria. Keystone

Bun 35’000 persunas hajan bandunà lur da chasa en il sid da la citad Aleppo, communitgeschan las Naziuns Unidas.

500 sgols – 370 morts

Il post d'observaziun per dretgs umans annunzia ch'almain 370 persunas sajan vegnidas mazzadas dapi il cumenzament da las attatgas russas. Dapi la fin da settember ha la Russia sgulà passa 500 attatgas en Siria per chatschar enavos «terrorists», sco quai ch'i ha num.

Dapi l'entschatta da la guerra civila en la Siria il 2011 è dapli che 250'000 persunas mortas.

RR novitads 17:00