Germanwings: copilot era pli baud en privel da far suicidi

Il copilot da l'aviun crudà giu avant bun in'emna en las Alps franzosas era avant onns en privel da far suicidi.

Flurs e chandailas per commemorar las unfrendas da l'accident Germanwings.

Legenda da maletgs: Plazza aviatica Düsseldorf Flurs e chandailas duain regurdar a las unfrendas da la crudada da l'aviun da l'emna passada. Keystone

L'um da 27 onns era avant sia carriera sco pilot da professiun en tractament medicinal pervi da privel da far suicidi. Quai ha la procura publica da Düsseldorf communitgà. Las visitas dal medi dal davos temp n'hajan dentant mussà naginas tendenzas da suicidi u d’agressivitad envers auters.

Il copilot vegn suspectà d'avair laschà crudar sapientivamain l'aviun da la Germanwings il mardi passà. Tenor la procura publica datti ni or da ses conturn famigliar ni or da ses conturn da lavur indizis sin in motiv.

RR novitads 16:00