Siglir tar il cuntegn
cuntegn

Exteriur Germania: SPD dat glisch verda per la nova coaliziun

La SPD dat glisch verda per la nova gronda coaliziun sut la direcziun da la chanceliera tudestga Angela Merkel.

SPD logo.
Legenda: La SPD decida a favur da la nova gronda coaliziun en Germania. Keystone

66,02% da la SPD è sa decidida per la nova gronda coaliziun cun la CDU/CSU. Quai ha la partida confermà la dumengia.

Il glindesdi avevan ils delegads da la CDU ditg in cler «gea» a la coaliziun gronda. 975 dals delegads eran s'exprimids a favur da la nova coaliziun gronda. Suenter tschintg mais malsegirtads è la via per la nova gronda coaliziun damai libra. La nova coaliziun è gia la terza coaliziun gronda dapi che Angela Merkel è chanceliera.

Jau gratulesch per quel cler resultat e ma legr sin la collavuraziun futura, en favur da noss pajais.
Autur: Angela MerkelSchefa da la CDU

Ministers e ministras

La direcziun da la SPD duai per la mesadad vegnir represchentada da dunnas e per la mesadad d'umens, ha il president da la partida Olaf Scholz communitgà. La glista concreta duai succeder en ils proxims dis.

RR novitads 10:00