Siglir tar il cuntegn

Header

cuntegn

Germania Mesiras da corona pli severas

A partir da la mesemna valan en la Germania mesiras da corona pli severas. Ir cun il bus e tren po be anc tgi ch’è vaccinà, guarì u testà. Ed era per la plazza da lavur vala da nov la regla dals 3G. Intginas regiuns han reglas anc pli rigurusas.

Uschia restan en la Baviera tut ils clubs e bars serrads a partir dad oz. Las ustarias ston serrar la saira a las 22:00. E tut las fieras da Nadal èn stritgadas. En intgins circuls da Baden-Württemberg dastgan persunas che n’èn betg vaccinadas be anc ir en butias da mangiativas e apotecas.

Regiun Basilea er pertutgada

Las mesiras han er effect sin il traffic public sur ils cunfins en la regiun Basilea. Tgi che traversa il cunfin en direcziun Lörrach u Weil am Rhein en Germania sto mussar la cumprova d'esser vaccinà, guarì u testà. Exccepziuns valan per scolaras e scolars sco er uffants sut sis onns.

RTR novitads 09:00

Artitgels legids il pli savens