Siglir tar il cuntegn

Exteriur Germania: La Tirchia gidia il terrorissem internaziunal

La Tirchia saja la 'plattafurma d'acziun centrala' per organisaziuns islamisticas e terroristicas en il Proxim Orient. Quai tenor in document secret da la regenza tudestga.

Bandiera da la Germania e da la Tirchia.
Legenda: Grevas renfatschas da la Germania a la Tirchia. Keystone

Tar il document sa tracta quai d'ina resposta confidenziala da la regenza sin ina dumonda da la fracziun sanestra. L'emettur da televisiun tudestg ARD ha rapportà en chaussa. Tenor il document lavura la Tirchia gia dapi onns ensemen cun islamists. La politica tirca saja vegnia islamisada pass per pass dapi il 2011.

La regenza tudestga reproscha ultra da quai al president tirc Recep Tayyip Erdogan d'avair relaziuns directas tar l'organisaziun palestinaisa Hamas. En l'Uniun europeica vala la Hamas sco organisaziun terroristica.

RR novitads 06:00