Siglir tar il cuntegn

Header

Navigaziun

Tabla da Maut.
Legenda: Davent dal 2019 po la taxa sin autos da persunas vegnir inoltrada en Germania. Keystone
cuntegn

Exteriur Germania introducescha taxa per autos privats

Suenter ina dispita sur plirs onns ora po uss la taxa sin autos da persunas vegnir inoltrada. Il cussegl federal da la Germania ha malgrà critica approvà la taxa.

La lescha prevesa ch’ils possessurs d’autos en Germania ma era tut tgi che dovra las autostradas en Germania ston pajar ina taxa, cumenzar duai tut il 2019.

Las taxas dependan da las emissiuns da l’auto ina vignetta da 10 dis po uschia custar fin a 25 euros.

Per la populaziun en Germania vegnan ils custs cumpensads cun pli bassas taglias, perquai aveva plirs stadis da l’UE crititgà questa metoda sco discriminanta.

Las pli impurtantas reglamentaziuns

  • Maut vala per autos e rulottas, dentant betg per motos grondas u camiuns pitschens.
  • Ella vala teoretic sin autostradas e vias naziunalas. Per proprietaris da vehichels da l’exteriur na vala ella betg sin vias naziunals
  • La taxa vegn cassada sur ina vignetta electronica. I na dat pia nagins tatgaders.
  • Proprietaris da vehichels da la Germania ston cumprar automatic ina vignetta per l’onn. Quella val per autostradas e vias naziunalas. Tut tenor auto po ella custar fin 130 euros.
  • Persunas da l’exteriur pon empè da la vignetta annuala era mo cumprar ina vignetta per curt temp. La pli favuraivla varianta custa 2.50 euros.

RR novitads 17:00